Gipuzkoako Eskolarteko Bertso Idatzien Lehiaketa

Urtero legez, aurten ere jokatu dira Gipuzkoako Eskolarteko Bertso Idatzien Lehiaketak, Ikastolen Elkarteak antolatuta, eta ehunka ikaslek hartu dute parte, eskualdez eskualde egin diren saioetan. Lehiaketaz gain, saio didaktikoak ere egin dira Gipuzkoako bertsolari gazteen eskutik.

Hona, egunotan jokatu diren lehiaketen kronikatxoak

Hernani, 2019ko apirilaren 9a

Hernaniko Biteri Kultura Etxean jokatu zen saioa. 110 ikasle inguru bertaratu ziren Buruntzaldea-Donostialdea eskualdeko hainbat ikastetxetatik.

Biteriko areto dotorean, bertsoak eta koplak idatzi ostean, ikasleek eurek aurkeztutako emanaldi laburrak izan ziren oholtzan. Eta horren ondoren etorri zen bertsolari gazteek eskaini zuten bat-bateko saioa. Unai Mendizabal gidari zela egin zuten bertsotan Iker Ormazabal "Tturko"k, Eli Pagolak eta Andoni Mujikak. Oraingoan ere, publikotik atera zituen ikasleak Unaik, gaiak bertan sortzeko laguntza emateko. Amaitzeko, koplatan egin zuten bertsolariek aurreko ikasleak gai hartuta.

Sari-banaketa izan zen jarraian.

LH 3, eta 4.a:

1. saria: Aiora Garcia                             Egape (Urnieta)

2. saria: Oihana Zubiria                         Egape (Urnieta)

LH 5. eta 6.a:

1. saria: Maddi Lasa                             Landaberri (Lasarte)

2. saria: Joane Caballero                       Egape (Urnieta)

DBH 1. eta 2.a:

1. saria: Joana Tolaretxipi                     Hernani BHI

1. saria: Katixa Izaga                            Oriarte BHI (Lasarte)

(Maila honetan, epai-mahaiak bi lehen sari ematea erabaki du.)

DBH 3., 4. eta Batxillerrak:

1. saria: June Garmendia                      Hernani BHI

2. saria: Julen Etxegia                          Oriarte BHI (Lasarte)

 

Orio, 2019ko apirilaren 5a

Zazpigarren saioa izan zen apirilaren 5ean Gipuzkoako Eskolarteko Bertso Idatzien lehiaketan. Orioko Karela kiroldegian jokatu zen lehiaketako parte-hartzerik handienarekin; 300 ikasle hurreratu ziren Urola Kostako herrietako ikastetxeetatik Orion bertsoak eta koplak idaztera. Harmailak beterik, bentetan itxura ikusgarria ageri zuen kiroldegiak.

Bertsoak idatzi ostean emanaldiaren txanda izan da eta bi talde eduki genituen bakoitza bere emanaldia aurkeztuz. Denok batera kantatzeko moduko leloa aireratu zuten hasieran eta gero kopla barregarriak tartekatuz harrapatu zuten publikoa. Gero, Libe Goenaga eta Uxue Alkorta izan ziren bat-bateko saioan, Unai Mendizabalen gidaritzapean.

Sari-banaketa izan zen jarraian.

LH 3, eta 4.a:

1. saria: Olaia Uranga                          Salbatore Mitxelena ikastola (Zarautz)

2. saria: Eneko Bidezabal                    Salbatore Mitxelena ikastola (Zarautz)

LH 5. eta 6.a:

1. saria: Amaiur Sukia                           Orioko herri ikastola (Orio)

2. saria: Manex Guenetxea                   Orioko herri ikastola (Orio)

DBH 1. eta 2.a:

1. saria: Amets Aizpurua                      Lizardi institutua (Zarautz)

2. saria: Irati Lizarralde                         Salbatore Mitxelena ikastola (Zarautz)

DBH 3., 4. eta Batxillerra:

1. saria: Uxue Ostolaza                        Lizardi institutua (Zarautz)

2. saria: Peru Beloki                             Salbatore Mitxelena ikastola (Zarautz)

Azpeitia, 2019ko apirilaren 3a

Azpeitiko Basazabal jauregi estreinatu berrian jokatu zen Urolako eskualdeari dagokion saioa Gipuzkoako Eskolarteko Bertso Idatzien lehiaketan. Seigarrena izan zen Azpeitikoa, eta  Zumaiatik,  Azpeititik eta Azkoititik etorri ziren ikasleez osatu zen taldean, 100 ikasle inguru bildu ziren bertsoak idazteko.

Ondoren bat-bateko saioa izan zen, JuIene Iturbe eta Jon Gurrutxaga bertsolari gazteen ahotsean, eta Unai Mendizabalek gidatuta. Saio honetan ere ikasleek parte hartu zuten bertsolarien gaiak osatzen. Saio dotorea eskaini zuten batzuen eta besteen parte-hartzearen bitartez.

Sari-banaketa izan dzena jarraian.

LH 3, eta 4.a:

1. saria: Jule Mendizabal Zubimendi       Zumaiako Herri Eskola (Zumaia)

2. saria: Kira Lopez Galarraga                Zumaiako Herri Eskola (Zumaia)

LH 5. eta 6.a:

1. saria: Joanes Azpillaga                     Ikasberri ikastola (Azpeitia)

2. saria: Beñat Aristegi                          Ikasberri ikastola (Azpeitia)

DBH 1. eta 2.a:

1. saria: Oihan Sarasua                         Ikasberri ikastola (Azpeitia)

2. saria: Markel Urrestilla                      Ikasberri ikastola (Azpeitia)

DBH 3., 4. eta Batxillerrak:

1. saria: Lantz Unanue                          Ikasberri ikastola (Azpeitia)

2. saria: Xabi Abaunz Gallastegi            Ikasberri ikastola (Azpeitia)

 

Eskoriatza, 2019ko apirilaren 2a

Eskoriatzako Almen ikastolan jokatu zen Gipuzkoako Eskolarteko Bertso Idatzien Lehiaketa, Debagoieneko eskualdeari dagokionez. 140 ikasle bertaratu ziren bertsoak eta koplak idaztera.  

Idaztaldia amaituta, bat-bateko saioan kantari izan ziren Oihana Arana eta Haizea Arana. Beste saioetan bezala, honetan ere ikus-entzule izan diren ikasleen laguntzaz osatu ziren bertsolarientzako gaiak eta bestelako ariketak. Oso saio erakargarria egin zuten bi bertsolariek eta entzuleen txaloak eta algarak sorrarazi zituzten behin baino gehiagotan.

Sari-banaketa izan zen jarraian.:

LH 3, eta 4.a:

1. saria: Oinatz Urkia Berecibar                     Kurtzebarri ikastetxea (Aretxabaleta)

2. saria: Uxue Fernandez                 Kurtzebarri ikastetxea (Aretxabaleta)

LH 5. eta 6.a:

1. saria: Etxahun Iturrioz                   Kurtzebarri ikastetxea (Aretxabaleta)

2. saria: Irati Mendizabal                   Txantxiku ikastola (Oñati)

DBH 1. eta 2.a:

1. saria: Leire Elkoroiribe                 Txantxiku ikastola (Oñati)

2. saria: Irati Delgado                                       Txantxiku ikastola (Oñati)

DBH 3., 4. eta Batxillerrak:

1. saria: Oihana Arana Cardenal                   Almen ikastola (Eskoriatza)

2. saria: Haizea Arana Cardenal                    Almen ikastola (Eskoriatza)

 

Elgoibar, 2019ko martxoaren 29a

Elgoibarko Elgoibar ikastolak hartu zuen Gipuzkoako Eskolarteko Bertso Idatzien lehiaketako laugarren saioa. 100 ikaslek hartu zuten parte lehiaketan, eta, kasu honetan, Elgoibar ikastolako ikasleak izan ziren parte-hartzaile guztiak.

Bakoitzak bere adinari dagokion mailan, bertsoak idatzi zituen proposatu zitzaien gaiari erantzunez, eta ondoren saio didaktikoari ekin zioten. Horretara bertaratu ziren bertsolari gazteok: Ane Zuazubizkar eta Jokin Bergara. Saio erakargarria egin zuten Unai Mendizabalek gidatuta. Bertsotarako gaiak eta bestelako ariketak ikusleen arteko ikasleei eskatuz osatu zituen saioaren dinamizatzaileak. Giro umoretsuan osatu zuten saioa.

Sari-banaketa izan zen jarraian.

LH 3, eta 4.a:

1. saria: Elaia Etxaniz                                       Elgoibar ikastola (Elgoibar)

2. saria: Ekain Kapanaga                 Elgoibar ikastola (Elgoibar)

LH 5. eta 6.a:

1. saria: Mikel Rodriguez                  Elgoibar ikastola (Elgoibar)

2. saria: Nora Arzamendi Arozena Elgoibar ikastola (Elgoibar)

DBH 1. eta 2.a:

1. saria: Eneko Etxaniz                                     Elgoibar ikastola (Elgoibar)

2. saria: Joane Kapanaga                                Elgoibar ikastola (Elgoibar)

DBH 3., 4. eta Batxillerrak:

Maila honetan ez zen parte-hartzailerik izan.

 

Tolosa, 2019ko martxoaren 28a

Tolosako Laskorain ikastolara joan ziren eskualdeko parte-hartzaileak Gipuzkoako Eskolarteko Bertso Idatzien lehiaketako hirugarren saioan. Tolosaldeko gazteak egon ziren bertara deituak, eta 140ren bat ikasle izan dira idatzizko ariketak egiten. Kasu honetan, Goierriko ikastetxeren bat ere hurbildu zen bertara, haien eskualdeko saioan ezin, eta egokiago baitzetorkien Tolosakoa.

Bertsoak idazteko tartea amaituta, saio didaktikoan parte hartu zuten lehenengo Ibarrako Uzturpe ikasatolakoek beren saiotxoa aurkeztuz, eta gero Oihana Iguaran eta Haritz Mujika izan ziren entzuleak zirikatuz egin zuten bat-bateko saioan. Ikusleen parte hartzea ere eskatu zuten saioaren tarte batzuetan.

Sari-banaketa izan zen jarraian.

LH 3, eta 4.a:

1. saria: Enaitz Jauregi Iturrioz                         Jakintza ikastola (Ordizia)

2. saria: Ihintza Arrondo Azkona                     Jakintza ikastola (Ordizia)

LH 5. eta 6.a:

1. saria: Maddi Garate                                      Jakintza ikastola (Ordizia)

2. saria: Manex Arrondo Tapia                       Joxemiel Barandiaran (Ataun)

DBH 1. eta 2.a:

1. saria: Izar Zerain Etxeberria                        Erniobea ikastetxea (Villabona)

2. saria: Beñat Mateos Zeberio                       Erniobea ikastetxea (Villabona)

DBH 3., 4. eta Batxillerrak:

1. saria: Oinatz Otegi Bakero                          Erniobea ikastetxea (Villabona)

2. saria: Maide Garmendia Jauregi                               Jakintza ikastola (Ordizia)

 

Zumarraga, 2019ko martxoaren 27a

Zumarragako Zelai-Arizti aretoan jokatu zen Gipuzkoako Eskolarteko Bertso Idatzien lehiaketako bigarren saioa. Goierri eskualdeari dagokion saioa izan zen Zumarragan jokatutakoa, eta 120 ikaslek hartu zuten parte bertsoak eta koplak idazten. 

Ondoren izan zen Saio didaktikoan, lehendabizi ikasleen parte-hartzea izan zen, aurrez prestatutako saiotxoa oholtzaratu zuten umore handiz. Ondoren, Maialen Akizu eta Maddi Aiestaran izan ziren kantuan Unai Mendizabalek gidaturiko saioan. Saioa dinamikoagoa izan zedin, entzuleen arteko ikasleak izan zituen lagun Unaik gaiei forma emateko.

 

Sari-banaketa izan zen jarraian.

LH 3, eta 4.a:

1. saria: Nahia Cuñado                         Urretxu-Zumarraga ikastola (Zumarraga)

2. saria: Jon Calzada Kerejeta               Urretxu-Zumarraga ikastola (Zumarraga)

LH 5. eta 6.a:

1. saria: Irular Eskisabel                                   Lardizabal (Zaldibia)

2. saria: Hodei Salaberria                      Urretxu-Zumarraga ikastola (Zumarraga)

DBH 1. eta 2.a:

1. saria: Ortzi Garmendia                      Jakintza ikastola (Ordizia)

2. saria: Amets Etxabe                         Oianguren ikastetxea (Ordizia)

DBH 3., 4. eta Batxilerrak:

1. saria: Odei Munduate                         Jakintza ikastola (Ordizia)

2. saria: Antton Iraeta                           Haztegi ikastola (Legazpi)

                                              

Lezo, 2019ko martxoaren 26a

Lezoko Gezala aretoan jokatu zen Gipuzkoako Eskolarteko Bertso Idatzien lehiaketako lehen saioa. Oarsoaldea eskualdeari dagokion saioa izan zen Lezoko hau, eta 100 ikaslek hartu zuten parte bertsoak eta koplak idazten. Adinaren arabera, lau mailatan banaturik egin zuten idazketa lana, ordubeteren buruan.  

Ondoren izan zen Saio didaktikoan, Iraitz Mateo eta Manu Goiogana izan ziren kantuan bat-bateko saioan. Unai Mendizabalek ikasleen parte-hartzearekin gaiak eta lanak osatuz gidatu zuen bertsolarien saioa.

Epaimahaiak bere epaia eman zuen saioaren tarte horretan eta ondoren etorri zen sari-banaketa.

LH 3, eta 4.a:

  1. saria: Saioa Otegi                                 Orereta ikastola (Orereta)
  2. saria: Kattalin Arabolaza                      Haurtzaro ikastola (Oiartzun)

LH 5. eta 6.a:

1. saria: Markel Uzkudun                            Haurtzaro ikastola (Oiartzun)

2. saria: Eider Erasun                                 Orereta ikastola (Orereta)

DBH 1. eta 2.a:

  1. saria: Malen Etxebeste Lekuona                        Haurtzaro ikastola (Oiartzun)

2. saria: Ekain Telletxea Delgado                Haurtzaro ikastola (Oiartzun)

DBH 3, 4. eta Batxilerrak:

1. saria: Malen Frantsesena Arnaiz              Haurtzaro ikastola (Oiartzun)

2. saria: Hutsik geratu da; ez da eman.