Gipuzkoako Bertso Idatzien 2018ko Eskolartekoa: Elgoibar, Orio eta Tolosako saioak

Martxoaren 15, 16 eta 19an Elgoibarren, Orion eta Tolosan egindako saioekin amaitu da Bertso Idatzien 2018ko Eskolarteko Txapelketa. Bertso mordoa eta goi mailakoak idatzi dituzten parte hartu duten ikasleek. Milatik gora ikaslek hartu dute parte aurtengo ekitaldian. Lerro hauen ostean doazkizue hiru saio hauetako kronika laburrak eta irabazleen zerrendak.

Elgoibarko saioa

Elgoibarko ikastolan jokatu da da Gipuzkoako Eskolarteko Bertso Idatzien lehiaketako bosgarren saioa, martxoaren 15ean. Debabarrena eskualdeko ikaslez osatu da parte-hartzea kasu honetan; 90eko kopurua egin du ikastolako hainbat gelatan banatuta egon den parte-hartzaile taldeak.

Ondoren bertso saioa entzun ahal izan dute denak batera ikastolako areto ederrean. Hasteko, Itziarko ikasleek euren emanaldia ekarri dute, eta gaitasun handiz eskaini dute guztion gozamenerako. Ondoren, Unai Gaztelumendi eta Unai Mendizabal izan dira kantari ikusle gazteen barreen artean.

Sari-banaketarekin amaitu da eguerdi-arteko saio ugari hau. Sariak, beste saioetan bezala, lau mailatan banatuta eman dira, maila bakoitzeko bi saridun izendatuta. Honako hau da saridunen zerrenda:

LH 3, eta 4.a:

  1. saria: Maialen Arriola Arakiztain         Elgoibarko ikastola

  2. saria: Marina Zubiaurre Ortueta          Elgoibarko ikastola

LH 5. eta 6.a:

1. saria: Eneko Etxaniz Irureta                  Elgoibarko ikastola

2. saria: Leire Eguren Arregi                     Elgoibarko ikastola

DBH 1. eta 2.a:

  1. saria: Jone Aranberri                           Mendata ikastetxea (Deba)

  2. saria: Maddi Arriola                              Elgoibarko ikastola

DBH 3., 4. eta Batxilerra:

  1. saria: Peru Alberdi San Martin             Mogel Isasi BHI (Eibar)

  2. saria: Eneko Osoro Agirregabiria        Mogel Isasi BHI (Eibar)

 

Orioko saioa

Gipuzkoako Eskolarteko Bertso Idatzien lehiaketako seigarren saioa Orioko Karela kiroldegian jokatu da martxoaren 16an. Urola Kosta eskualdeko ikasleek hartu dute parte Orioko saioan, eta horrez gainera Oiartzungo Haurtzaro ikastolako ikasle talde ugaria ere bertaratu da. Guztira 300 bat ikasleko taldeak bete-bete egin du kiroldegiko harmailetako alde bat. Bertan idatzi dituzte bertsoak, eta idaztaldiaren ostean bertso saioa hasi da. Ekitaldiaren bigarren zati honetan Irati Tolosak egin ditu aurkezle lanak.  Zarauzko ikasleek eta Oiartzungoek prestatuta ekarri dute saio bana, eta eurentzako izan dira ikasle-lagunen lehenengo txaloak, bertso kantaldi dotorea egin baitute.

Gero, Maider Arregi, Beñat Mujika eta Haritz Mujika izan dira librean jardun dutenak mikrofonoan. Ikusleen pare-pareko gaiak hartu dituzte ahotan, eta horrela erraz poltsikoratu dute entzuleria.

Eguerdia gain-gainean dela hasi da sari-banaketa. 

Hau da saridunen zerrenda, mailaz maila:

LH 3, eta 4.a:

  1. saria: Adei Urbitarte                 Salbatore Mitxelena ikastola (Zarautz)

  2. saria: Uxue Arozena Otegi       Haurtzaro ikastola (Oiartzun)

LH 5. eta 6.a:

1. saria: Manex Guenetxea             Orioko Herri ikastola

2. saria: Julen Makatzaga               Salbatore Mitxelena ikastola (Zarautz)

DBH 1. eta 2.a:

  1. saria: Amets Aizpurua Manzisidor      Lizardi ikastetxea (Zarautz)

2. saria: Haritz Aranburu Mutiloa              Haurtzaro ikastola (Oiartzun)

DBH 3., 4. eta Batxillera:

1. saria: Aner Peritz Manterola      Lizardi ikastetxea (Zarautz)       

2. saria: Jone Aldalur Irazusta       Oteitza Lizeoa (Zarautz)

 

Tolosako saioa

Tolosako Laskorain ikastolan izan da azken saioa Gipuzkoako Eskolarteko Bertso Idatzien lehiaketan eskualdez eskualde egin den jiran. Martxoaren 19an jokatu da. Tolosaldeko eta Goierriko 65 ikaslek parte hartu dute lehiaketan, lau adin-mailatan banaturik. Ordubeteko tartea izan dute parte-hartzaileek euren  lana egiteko, eta, gero, atsedenaldi labur baten ostean, bat-bateko bertso saioa entzun ahal izan dute Eñaut Martikorena eta Unai Gaztelumendiren ahotik.

Aurrez epai-mahaiak bertsoak irakurri eta epaitzeko lana egin baitu, sari-banaketaren txanda izan da bertso saioaren ondoren. Unai Gaztelumendik, Unai Mendizabalek eta Eñaut Martikorenak osatu dute epai-mahaia Tolosako saioan. Ohi bezala, lau mailatan banatuta izendatu dira saridunak, bi sari maila bakoitzeko. Honako hau izan da bertso-idazle sarituen zerrenda:

LH 3, eta 4.a:

  1. saria: Sugoi Amondarain        Uzturpe ikastola (Ibarra)

  2. saria: Aratz Bikuña                  Joxemiel Barandiaran (Ataun)

LH 5. eta 6.a:

  1. saria: Joanes Zubia Aranalde               Uzturpe ikastola (Ibarra)

  2. saria: Haitz Urrestarazu Larrea             Joxemiel Barandiaran (Ataun)

DBH 1. eta 2.a:

  1. saria: Asier Arteaga                 Laskorain ikastola (Tolosa)

  2. saria: Ane Zubia Aranalde       Uzturpe ikastola (Ibarra)

DBH 3., 4. eta Batxillera:

  1. saria: Oibar Olano Goikoetxea             Erniobea BHI (Villabona)

  2. saria: Oinatz Otegi Bakero                  Erniobea BHI (Villabona)

Horrela bada, Laskorain ikastolan izandako saioarekin esaten diogu agur Bertso Idatzien Eskolarteko aurtengo ekitaldiari, eskerrik beroenak emanez parte hartu duten guztiei, eta antolakuntzan lagundu duten guztiei ere bai.