Hasi da Gipuzkoako Bertso Idatzien Eskolartekoa

Orereta ikastolan jokatu da Gipuzkoako Eskolarteko Bertso Idatzien lehiaketako lehen saioa, martxoaren 10ekoa. Oarsoaldea eskualdeari dagokion saioa izan da Oreretakoa, eta 140 ikaslek hartu dute parte bertsoak eta koplak idazten. Adinaren arabera, lau mailatan banaturik, maila bakoitzari egokitutako gai baten inguruan egin dute idazketa lana, ordubeteren buruan. 

Ondoren, Saio Didaktikoa entzuteko aukera izan dute idatzizkoan parte hartu duten guztiek. Hasteko, ikasleek eurek prestatutako emanalditxoak izan dira ikastetxeka eta ondoren Oihana Arana eta Xabat illarregik eskaini duten bertso saioa. Haritz Mujika izan da bat-bateko saioaren gidaria.

Epaimahaiak bere epaia eman du saioaren tarte horretan eta ondoren etorri da sari-banaketa. Bi ikasmailako multzoetan banatuta izendatzen dira saridunak, multzo bakoitzean 2. Saio honetan ez da DBH 3., 4. eta Batxilergoak batzen dituen multzoko parte-hartzailerik izan. Honako hau izan da saridunen zerrenda:

LH 3, eta 4.a:

1.  saria: Oinatz Erauntzetamurgi                                      Haurtzaro ikastola  (Oiartzun)

2.  saria: Ander Garmendia                                                Haurtzaro ikastola

LH 5. eta 6.a:

1.  saria: Mara Albistur                                                      Orereta ikastola.

2.  saria: Kattalin Arabolaza                                              Haurtzaro ikastola

DBH 1. eta 2.a:

1.       saria: Ekain Telletxea                                                    Haurtzaro ikastola

2.       saria: Jare Antzizar                                                       Orereta ikastola

DBH 3., 4. eta Batxillerrak: Ez da maila honetako parte-hartzailerik izan Oreretako saioan.